Feðraorlof

Ég er þá byrjaður í feðraorlofi, skall á 1. október og ekkert nema spennandi tímar framundan.  Hvað gera feður í orlofi - hver ætli sé táknmyndin sem maður hefur af húsmóðurinni í þessu hlutverki.  Ætli það sé ekki eitthvað á þá leið að það þarf að koma börnum á fætur, gefa morgunmat og skóla fyrir þau sem það langt eru kominn á lífsleiðini.  Svo er að taka til eftir morgunmat og jafnvel setja í þvottavélina - brjóta saman þvottinn frá í gær og huga að því hvað skildi henta í hádegismat.  Taka til helstu leikföng og þurka smá af og hlusta á útvarpið á meðan.  Yngra barnið þarf svo auðvitað að sofna og þá skapast allt í einu tími til að fara í grófari þrif eins og klósettið - ekki gott að hafa litla hjálparhellu við það syngjandi í klósettburstann og svona.

Þegar helstu þrifum er lokið er sennilega tími til að hringja nokkur símtöl og kíkja á Facebook og helstu heimasíður.  Þá er yngir að vakna aftur og bleijuskipti ásamt hádegismat eru næst á dagskrá.  Eftir hefðbundna tiltekt eftir hádegismat er passlegt að leika við litla um stund og dást að því hvað hann er duglegur í öllu sem hann tekur sér fyrir hendur - verst að sjónvarpið skulu vera orðið svona laskað og borðstofuborðið hoggið eftir allar barsmíðar þess litla.  Dagurinn líður sem sagt í tiltekt og umhyggjusemi og ekkert í lífinu utandyra nær að trufla þessa þægilegu veröld okkar feðga.  Icesave er þarna alltaf að dúkka upp í útvarpinu jú  og ýmis önnur slagorð sem ég hef ekki lagt mig fram við að skilja - hvað þá heldur að sonur minn skilji það þó mér heyrist að hann eigi að borga allt dótið.

Já ég er sem sagt að leggja af stað í feðraorlof og er með mjög einfalda mynd af hlutverki mínu næstu 10 vikur.  Halda húsinu hreinu og sem heillegustu - baka, kaupa inn, þvo og allt bara sem til fellur.  Svo er bara spurninginn hvort þetta sé nokkuð mál ? 

Athugasemdir

[Hildur Helga Sigurðardóttir, 8.10.2009 kl. 14:20]

You ain´t seen nothin´yet !

(Annars er þessi "litli" heimur, sem þú lýsir, alveg dásamlega notalegur og uppbyggjandi fyrir bæði börn og foreldri.  Ekki beint orlof þó...)